میر تقی میر کا منتخب کلام

29 جولائی
غزل

میر تقی میر

پتا پتا بوٹا بوٹا حال ہمارا جانے ہے

جانے نہ جانے گل ہی نہ جانے باغ تو سارا جانے ہے

آگے اس متکبر کے ہم خدا خدا کیا کرتے ہیں

کب موجود خدا کو وہ مغرور خود آرا جانے ہے

عاشق سا تو سادہ کوئی اور نہ ہو گا دنیا میں

جی کے زیاں کو عشق میں اس کے اپنا دارا جانے ہے

پتا پتا بوٹا بوٹا حال ہمارا جانے ہے

بحرِ ہندی/ متقارب مثمن مضاعف

4038

29 جولائی
غزل

میر تقی میر

میرے سنگِ مزار پر فرہاد

رکھ کے تیشہ کہے ہے یا اُستاد

ہم سے بن مرگ کیا جدا ہو ملال

جان کے ساتھ ہے دلِ ناشاد

آنکھیں موند اور سفر عدم کا کر

بس بہت دیکھا عالمِ ایجاد

میرے سنگِ مزار پر فرہاد

فاعِلاتن مفاعِلن فِعْلن

502

29 جولائی
غزل

میر تقی میر

شبِ ہجر میں کم تظلّم کیا

کہ ہمسائگاں پر ترحّم کیا

کہا میں نے کتنا ہے گل کا ثبات

کلی نے یہ سن کر تبسّم کیا

زمانے نے مجھ جرعہ کش کو ندان

کیا خاک و خشتِ سرِ خم کیا

شبِ ہجر میں کم تظلّم کیا

فَعُولن فَعُولن فَعُولن فَعَل

1647

29 جولائی
غزل

میر تقی میر

لوگ بہت پوچھا کرتے ہیں کیا کہیے میاں کیا ہے عشق

کچھ کہتے ہیں سرَّ الٰہی کچھ کہتے ہیں خدا ہے عشق

عشق کی شان اکثر ہے ارفع لیکن شانیں عجائب ہیں

گہ ساری ہے دماغ و دل میں گاہے سب سے جدا ہے عشق

کام ہے مشکل الفت کرنا اس گلشن کے نہالوں سے

بو کش ہو کر سیب زقن کا غش نہ کرے تو سزا ہے عشق

لوگ بہت پوچھا کرتے ہیں کیا کہیے میاں کیا ہے عشق

بحرِ ہندی/ متقارب مثمن مضاعف

711

29 جولائی
غزل

میر تقی میر

جی میں ہے یادِ رخ و زلفِ سیہ فام بہت

رونا آتا ہے مجھے ہر سحر و شام بہت

دستِ صیاد تلک بھی نہ میں پہنچا جیتا

بے قراری نے لیا مجھ کو تۂ دام بہت

ایک دو چشمک ادھر گردشِ ساغر کہ مدام

سر چڑھی رہتی ہے یہ گردشِ ایّام بہت

جی میں ہے یادِ رخ و زلفِ سیہ فام بہت

فاعِلاتن فَعِلاتن فَعِلاتن فَعِلن

1310

29 جولائی
غزل

میر تقی میر

ہو آدمی اے چرخ ترکِ گردشِ ایّام کر

خاطر سے ہی مجھ مست کی تائیدِ دورِ جام کر

دنیا ہے بے صرفہ نہ ہو رونے میں یا کڑھنے میں تو

نالے کو ذکرِ صبح کر گریے کو وردِ شام کر

مستِ جنوں رہ روز و شب شہرہ ہو شہر و دشت میں

مجلس میں اپنی نقلِ خوش زنجیر کا بادام کر

ہو آدمی اے چرخ ترکِ گردشِ ایّام کر

مستفعِلن مستفعِلن مستفعِلن مستفعِلن

2731

29 جولائی
غزل

میر تقی میر

پل میں جہاں کو دیکھتے میرے ڈبو چکا

اک وقت میں یہ دیدہ بھی طوفان رو چکا

افسوس میرے مردے پر اتنا نہ کر کہ اب

پچھتاتا یوں ہی سا ہے جو ہوتا تھا ہو چکا

لگتی نہیں پلک سے پلک انتظار میں

آنکھیں اگر یہی ہیں تو بھر نیند سو چکا

پل میں جہاں کو دیکھتے میرے ڈبو چکا

مفعول فاعلات مفاعیل فاعِلن

1644

29 جولائی
غزل

میر تقی میر

کیا مصیبت زدہ دل مائلِ آزار نہ تھا

کون سے درد و ستم کا یہ طرف دار نہ تھا

آدمِ خاکی سے عالم کو جلا ہے ورنہ

آئنہ تھا یہ ولے قابلِ دیدار نہ تھا

دھوپ میں جلتی ہیں غربت وطنوں کی لاشیں

تیرے کوچے میں مگر سایۂ دیوار نہ تھا

کیا مصیبت زدہ دل مائلِ آزار نہ تھا

فاعِلاتن فَعِلاتن فَعِلاتن فَعِلن

428

29 جولائی
غزل

میر تقی میر

کیا دن تھے وہ کہ یاں بھی دلِ آرمیدہ تھا

رو آشیانِ طائرِ رنگِ پریدہ تھا

قاصد جو واں سے آیا تو شرمندہ میں ہوا

بے چارہ گریہ ناک گریباں دریدہ تھا

اک وقت ہم کو تھا سرِ گریہ کہ دشت میں

جو خارِ خشک تھا سو وہ طوفاں رسیدہ تھا

کیا دن تھے وہ کہ یاں بھی دلِ آرمیدہ تھا

مفعول فاعلات مفاعیل فاعِلن

353

29 جولائی
غزل

میر تقی میر

ارض و سما میں عشق ہے ساری، چاروں اور بھرا ہے عشق

ہم ہیں جنابِ عشق کے بندے نزدیک اپنے خدا ہے عشق

ظاہر و باطن، اول و آخر، پائیں بالا عشق ہے سب

نور و ظلمت، معنی و صورت سب کچھ آپہی ہوا ہے عشق

ایک طرف جبریل آتا ہے ایک طرف لاتا ہے کتاب

ایک طرف پنہاں ہے دلوں میں ایک طرف پیدا ہے عشق

ارض و سما میں عشق ہے ساری، چاروں اور بھرا ہے عشق

بحرِ ہندی/ متقارب مثمن مضاعف

544

29 جولائی
غزل

میر تقی میر

آئی ہے اُس کے کُوچے سے ہوکر صبا کُچھ اور

کیا سر میں خاک ڈالتی ہے اب ہَوا کُچھ اور

تدبِیر دوستوں کی مجھے نفع کیا کرے

بیماری اور کُچھ ہے کریں ہیں دوا کُچھ اور

مستان ِعِشق و اہلِ خرابات میں ہے فرق

مے خوارگی کُچھ اور ہے یہ نشّہ تھا کُچھ اور

آئی ہے اُس کے کُوچے سے ہوکر صبا کُچھ اور

مفعول فاعلات مفاعیل فاعِلن

574

29 جولائی
غزل

میر تقی میر

تھا مستعار حسن سے اس کے جو نور تھا

خورشید میں بھی اس ہی کا ذرہ ظہور تھا

ہنگامہ گرم کن جو دلِ ناصبور تھا

پیدا ہر ایک نالے سے شورِ نشور تھا

پہنچا جو آپ کو تو میں پہنچا خدا کے تیں

معلوم اب ہوا کہ بہت میں بھی دور تھا

تھا مستعار حسن سے اس کے جو نور تھا

مفعول فاعلات مفاعیل فاعِلن

1598

29 جولائی
غزل

میر تقی میر

نکلے چشمہ جو کوئی جوشِ زناں پانی کا

یاددہ ہے وہ کسو چشم کی گریانی کا

لطف اگر یہ ہے بتاں صندلِ پیشانی کا

حسن کیا صبح کے پھر چہرئہ نورانی کا

کفر کچھ چاہیے اسلام کی رونق کے لیے

حسن زنار ہے تسبیح سلیمانی کا

نکلے چشمہ جو کوئی جوشِ زناں پانی کا

فاعِلاتن فَعِلاتن فَعِلاتن فِعْلن

471

29 جولائی
غزل

میر تقی میر

دیوانگی میں مجنوں میرے حضور کیا تھا

لڑکا سا ان دنوں تھا اس کو شعور کیا تھا

گردن کشی سے اپنی مارے گئے ہم آخر

عاشق اگر ہوئے تھے ناز و غرور کیا تھا

غم قرب و بعد کا تھا جب تک نہ ہم نے جانا

اب مرتبہ جو سمجھے وہ اتنا دور کیا تھا

دیوانگی میں مجنوں میرے حضور کیا تھا

مفعول فاعِلاتن مفعول فاعِلاتن

1318

29 جولائی
غزل

میر تقی میر

ایسی گلی اک شہرِ اسلام نہیں رکھتا

جس کوچے میں وہ بت صد بدنام نہیں رکھتا

آزار نہ دے اپنے کانوں کے تئیں اے گل

آغاز مرے غم کا انجام نہیں رکھتا

ناکامیِ صد حسرت خوش لگتی نہیں ورنہ

اب جی سے گذر جانا کچھ کام نہیں رکھتا

ایسی گلی اک شہرِ اسلام نہیں رکھتا

مفعول مفاعیلن مفعول مفاعیلن

818

29 جولائی
غزل

میر تقی میر

عمر بھر ہم رہے شرابی سے

دلِ پر خوں کی اک گلابی سے

جی ڈھہا جائے ہے سحر سے آہ

رات گذرے گی کس خرابی سے

کھلنا کم کم کلی نے سیکھا ہے

اس کی آنکھوں کی نیم خوابی سے

عمر بھر ہم رہے شرابی سے

فاعِلاتن مفاعِلن فِعْلن

611

29 جولائی
غزل

میر تقی میر

جن کے لیے اپنے تو یوں جان نکلتے ہیں

اس راہ میں وے جیسے انجان نکلتے ہیں

کیا تیر ستم اس کے سینے میں بھی ٹوٹے تھے

جس زخم کو چیروں ہوں پیکان نکلتے ہیں

مت سہل ہمیں جانو پھرتا ہے فلک برسوں

تب خاک کے پردے سے انسان نکلتے ہیں

جن کے لیے اپنے تو یوں جان نکلتے ہیں

مفعول مفاعیلن مفعول مفاعیلن

332

29 جولائی
غزل

میر تقی میر

کیا کام کیا ہم نے دل یوں نہ لگانا تھا

اس جان کی جوکھوں کو اس وقت نہ جانا تھا

تھا جسم کا ترک اولیٰ ایام میں پیری کے

جاتا تھا چلا ہر دم جامہ بھی پرانا تھا

ہر آن تھی سرگوشی یا بات نہیں گاہے

اوقات ہے اک یہ بھی اک وہ بھی زمانہ تھا

کیا کام کیا ہم نے دل یوں نہ لگانا تھا

مفعول مفاعیلن مفعول مفاعیلن

514

29 جولائی
غزل

میر تقی میر

سخن مشتاق ہے عالم ہمارا

غنیمت ہے جہاں میں دم ہمارا

رہے ہم عالمِ مستی میں اکثر

رہا کچھ اور ہی عالم ہمارا

بہت ہی دور ہم سے بھاگتے ہو

کرو ہو پاس کچھ تو کم ہمارا

سخن مشتاق ہے عالم ہمارا

مفاعیلن مفاعیلن فَعُولن

1465

29 جولائی
غزل

میر تقی میر

گل کو محبوب ہم قیاس کیا

فرق نکلا بہت جو باس کیا

دل نے ہم کو مثال آئینہ

ایک عالم کا روشناس کیا

کچھ نہیں سوجھتا ہمیں اس بن

شوق نے ہم کو بے حواس کیا

گل کو محبوب ہم قیاس کیا

فاعِلاتن مفاعِلن فَعِلن

540

29 جولائی
غزل

میر تقی میر

وہ اک روش سے کھولے ہوئے بال ہو گیا

سنبل چمن کا مفت میں پامال ہو گیا

الجھاؤ پڑ گیا جو ہمیں اس کے عشق میں

دل سا عزیز جان کا جنجال ہو گیا

کیا امتدادِ مدتِ ہجراں بیاں کروں

ساعت ہوئی قیامت و مہ سال ہو گیا

وہ اک روش سے کھولے ہوئے بال ہو گیا

مفعول فاعلات مفاعیل فاعِلن

417

29 جولائی
غزل

میر تقی میر

خواب میں تو نظر جمال پڑا

پر مرے جی ہی کے خیال پڑا

وہ نہانے لگا تو سایۂ زلف

بحر میں تو کہے کہ جال پڑا

میں نے تو سر دیا پر اے جلاد

کس کی گردن پہ یہ وبال پڑا

خواب میں تو نظر جمال پڑا

فاعِلاتن مفاعِلن فَعِلن

306

29 جولائی
غزل

میر تقی میر

دل بہم پہنچا بدن میں تب سے سارا تن جلا

آپڑی یہ ایسی چنگاری کہ پیراہن جلا

سرکشی ہی ہے جو دکھلاتی ہے اس مجلس میں داغ

ہوسکے تو شمع ساں دیجے رگِ گردن جلا

بدر ساں اب آخر آخر چھا گئی مجھ پر یہ آگ

ورنہ پہلے تھا مرا جوں ماہ نو دامن جلا

دل بہم پہنچا بدن میں تب سے سارا تن جلا

فاعِلاتن فاعِلاتن فاعِلاتن فاعِلن

1142

29 جولائی
غزل

میر تقی میر

مارا زمیں میں گاڑا تب اس کو صبر آیا

اس دل نے ہم کو آخر یوں خاک میں ملایا

اس گل زمیں سے اب تک اگتے ہیں سرو مائل

مستی میں جھکتے جس پر تیرا پڑا ہے سایا

یکساں ہے قتل گہ اور اس کی گلی تو مجھ کو

واں خاک میں میں لوٹا یاں لوہو میں نہایا

مارا زمیں میں گاڑا تب اس کو صبر آیا

مفعول فاعِلاتن مفعول فاعِلاتن

382

29 جولائی
غزل

میر تقی میر

مفت آبروئے زاہدِ علامہ لے گیا

اک مغبچہ اتار کے عمامہ لے گیا

داغِ فراق و حسرتِ وصل آرزوئے شوق

میں ساتھ زیر خاک بھی ہنگامہ لے گیا

پہنچا نہ پہنچا آہ گیا سو گیا غریب

وہ مرغ نامہ بر جو مرا نامہ لے گیا

مفت آبروئے زاہدِ علامہ لے گیا

مفعول فاعلات مفاعیل فاعِلن

511

29 جولائی
غزل

میر تقی میر

عشق ہمارے خیال پڑا ہے خواب گئی آرام گیا

جی کا جانا ٹہر گیا ہے صبح گیا یا شام گیا

عشق کیا سو دین گیا ایمان گیا اسلام گیا

دل نے ایسا کام کیا کچھ جس سے میں ناکام گیا

ہائے جوانی کیا کیا کہیے شور سروں میں رکھتے تھے

اب کیا ہے وہ عہد گیا وہ موسم وہ ہنگام گیا

عشق ہمارے خیال پڑا ہے خواب گئی آرام گیا

بحرِ ہندی/ متقارب مثمن مضاعف

1720

29 جولائی
غزل

میر تقی میر

مانند شمع مجلس شب اشکبار پایا

القصہ میر کو ہم بے اختیار پایا

احوال خوش انھوں کا ہم بزم ہیں جو تیرے

افسوس ہے کہ ہم نے واں کا نہ بار پایا

چیتے جو ضعف ہوکر زخمِ رسا سے اس کے

سینے کو چاک دیکھا دل کو فگار پایا

مانند شمع مجلس شب اشکبار پایا

مفعول فاعِلاتن مفعول فاعِلاتن

527

29 جولائی
غزل

میر تقی میر

کیا میں بھی پریشانیِ خاطر سے قریں تھا

آنکھیں تو کہیں تھیں دلِ غم دیدہ کہیں تھا

کس رات نظر کی ہے سوئے چشمکِ انجم

آنکھوں کے تلے اپنے تو وہ ماہ جبیں تھا

آیا تو سہی وہ کوئی دم کے لیے لیکن

ہونٹوں پہ مرے جب نفسِ باز پسیں تھا

کیا میں بھی پریشانیِ خاطر سے قریں تھا

مفعول مفاعیل مفاعیل فَعُولن

1948

27 دسمبر
غزل

میر تقی میر

مہر کی تجھ سے توقع تھی ستمگر نکلا

موم سمجھے تھے ترے دل کو سو پتھر نکلا

داغ ہوں رشک محبت سے کہ اتنا بیتاب

کس کی تسکیں کے لیے گھر سے تو باہر نکلا

جیتے جی آہ ترے کوچے سے کوئی نہ پھرا

جو ستم دیدہ رہا جا کے سو مر کر نکلا

مہر کی تجھ سے توقع تھی ستمگر نکلا

فاعِلاتن فَعِلاتن فَعِلاتن فَعِلن

572

27 دسمبر
غزل

میر تقی میر

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو وا شد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

خواہ مجھ سے لڑ گیا اب خواہ مجھ سے مل گیا

فاعِلاتن فاعِلاتن فاعِلاتن فاعِلن

508

27 دسمبر
غزل

میر تقی میر

گلیوں میں اب تلک تو مذکور ہے ہمارا

افسانۂ محبت مشہور ہے ہمارا

مقصود کو تو دیکھیں کب تک پہنچتے ہیں ہم

بالفعل اب ارادہ تا گور ہے ہمارا

کیا آرزو تھی جس سے سب چشم ہو گئے ہیں

ہر زخم سو جگہ سے ناسور ہے ہمارا

گلیوں میں اب تلک تو مذکور ہے ہمارا

مفعول فاعِلاتن مفعول فاعِلاتن

629

27 دسمبر
غزل

میر تقی میر

اشک آنکھوں میں کب نہیں آتا

لہو آتا ہے جب نہیں آتا

ہوش جاتا نہیں رہا لیکن

جب وہ آتا ہے تب نہیں آتا

صبر تھا ایک مونسِ ہجراں

سو وہ مدت سے اب نہیں آتا

اشک آنکھوں میں کب نہیں آتا

فاعِلاتن مفاعِلن فِعْلن

1150

27 دسمبر
غزل

میر تقی میر

ترے عشق میں آگے سودا ہوا تھا

پر اتنا بھی ظالم نہ رسوا ہوا تھا

خزاں التفات اس پہ کرتی بجا تھی

یہ غنچہ چمن میں ابھی وا ہوا تھا

کہاں تھا تو اس طور آنے سے میرے

گلی میں تری کل تماشا ہوا تھا

ترے عشق میں آگے سودا ہوا تھا

فَعُولن فَعُولن فَعُولن فَعُولن

2451

2 جنوری
غزل

میر تقی میر

باتیں ہماری یاد رہیں پھر باتیں ایسی نہ سنیے گا

پڑھتے کسو کو سنیے گا تو دیر تلک سر دھنیے گا

سعی و تلاش بہت سی رہے گی اس انداز کے کہنے کی

صحبت میں علما فضلا کی جا کر پڑھیے گنیے گا

دل کی تسلی جب کے ہو گی گفت و شنود سے لوگوں کی

آگ پھنکے گی غم کی بدن میں اس میں جلیے بھنیے گا

باتیں ہماری یاد رہیں پھر باتیں ایسی نہ سنیے گا

بحرِ ہندی/ متقارب مثمن مضاعف

824

29 جولائی
غزل

میر تقی میر

ہستی اپنی حباب کی سی ہے

یہ نمائش سراب کی سی ہے

نازکی اس کے لب کی کیا کہیے

پنکھڑی اک گلاب کی سی ہے

بار بار اس کے در پہ جاتا ہوں

حالت اب اضطراب کی سی ہے

ہستی اپنی حباب کی سی ہے

فاعِلاتن مفاعِلن فِعْلن

3787

7 جنوری
غزل

میر تقی میر

بارے دنیا میں رہو غم زدہ یا شاد رہو

ایسا کچھ کر کے چلو یاں کہ بہت یاد رہو

عشق پیچے کی طرح حسن گرفتاری ہے

لطف کیا سرو کی مانند گر آزاد رہو

ہم کو دیوانگی شہروں ہی میں خوش آتی ہے

دشت میں قیس رہو کوہ میں فرہاد رہو

بارے دنیا میں رہو غم زدہ یا شاد رہو

فاعِلاتن فَعِلاتن فَعِلاتن فَعِلن

971